Maaari mong tanggalin ang ilan sa iyong opsyonal na data habang patuloy mo pa ring magagamit ang World App. Kasama sa iyong opsyonal na data ang:

• Datos ng profile (numero ng telepono at username)
• Opsyonal na analytics at push notification
• Donasyon ng data (mga larawang naibigay)

Upang tanggalin ang iyong mga opsyonal na data:

1. Piliin ang Gear icon para pumunta sa iyong Settings.

2. Mag-scroll pababa at:

• Sa Android, i-tap ang Privacy.

• Sa iOS, i-tap ang Privacy & Legal. 

Ang bahaging ito ay naglalaman ng lahat ng kinakailangang opsyon kaugnay sa pamamahala ng iyong account.

3. I-tap ang I-clear ang opsyonal na data.

4. Suriin at piliin ang data na nais mong matanggal. Siguraduhing okay lang sa iyo na mawala ang data na ito. Lagyan ng tsek ang kahon upang kilalanin na permanente na ang gawaing ito at hindi na maaaring maibalik ang data pagkatapos matanggal.

5.  Kapag handa ka na, kumpirmahin ang aksyon na ito sa pamamagitan ng pag-tap sa Kumpirmahin ang pagtanggal ng data.

7. Makikita mo ang Requested na status sa iyong deletion request kapag naisumite mo na ito. Magbabago ang status sa Deleted kapag natapos na ang proseso.

Maaaring umabot ng hanggang 30 araw bago ganap na maisagawa ang pagtanggal sa lahat ng aming sistema. Kapag natanggap mo na ang kumpirmasyon ng pagtanggal ng iyong data, maaari mo nang i-uninstall ang World App mula sa iyong device.

Nasa iyo kung nais mong panatilihin ang backup para magamit muli ang World App sa hinaharap. Tandaan, kung pipiliin mong tanggalin ang iyong backup, hindi na maaaring maibalik ang iyong kasalukuyang account.

Kung mayroon kang personal data request na lampas sa pagtanggal ng iyong opsyonal na data, mangyaring tingnan ang aming mga artikulo, Paano ko matatanggal ang aking Account? O Saan ako maaaring sumangguni para sa personal data requests?, para sa gabay.

Anong data ang natatanggal sa hakbang na ito?

Kapag humiling ka ng Data Deletion, binubura namin ang anumang personal na impormasyon na naka-attach sa iyong account tulad ng iyong username at numero ng telepono (kung nailagay ito sa iyong account) at hindi ka mawawalan ng access sa World App. Ang natitirang impormasyon ay binubura sa pamamagitan ng Account Deletion Feature (tulad ng pampubliko at pribadong mga key at data backup)

Ano ang pinagkaiba ng Data Deletion at Account Deletion?

Ang data deletion ay tumutukoy sa pagtanggal ng ilang partikular na personal na impormasyon (hal., iyong username at numero ng telepono) habang patuloy kang may access sa World App. Samantalang ang account deletion ay nangangahulugan ng permanenteng pagbura ng iyong account, na nagreresulta sa tuluyang pagkawala ng access sa app at mga tampok nito.

Pakitandaan na pareho itong awtomatikong mga tampok at ang iyong data o account ay mabubura kaagad.

Ano ang mangyayari kung gusto kong tanggalin ang aking data at mawalan ako ng access sa World App?

Kung nais mong tanggalin ang data mo sa World App ngunit hindi mo ma-access ang app, maaari kang humingi ng tulong sa aming Support Team sa loob ng app, o sa aming opisyal na social media support channels para subukang maibalik ang access sa iyong account. Kapag naibalik mo na ang access, maaari mong sundan ang mga hakbang sa taas upang tanggalin ang iyong data.

Kung hindi mo nagawa ang pagtanggal ng data sa pamamagitan ng app at ikaw ay isang hindi aktibong user ng mahigit dalawampu't apat na buwan, sisiguraduhin naming matanggal pa rin ang iyong data sa aming regular na datas cleanup. Sa prosesong ito, sinisiguradong nalilinis ang aming mga database mula sa impormasyong hindi na kinakailangang panatilihin o iproseso.

Maaaring bahagyang magkaiba ang mga salin kumpara sa orihinal na nilalaman sa Ingles. Para sa pinaka-tumpak na impormasyon, mangyaring sumangguni sa bersyon ng artikulo sa Ingles kung may anumang hindi pagkakatugma.